Persónulegt bréf til vina og ættingja sem ég treysti fyrir þagmælsku og þrælsótta!

Kæru vinir og ættingjar,

Því miður vegna atlögu á mig og gamla banka minn þá hef ég og H. flutt til Cayman eyja!

Rétt áður en Davíð og Gordon rústuðu banka mínum tókst mér og H. að flytja mest af eignum okkar þangað!

Þið munið kannski eftir Indversku bræðrunum sem ég kynntist fyrir ári síðan nú við urðum miklir vinir,og nú eru þeir eru farnir að kalla mig Gandi,ha,ha,ha,þeim finnst ég svo frábær,en burtséð frá því, þá hefur óheppnin elt þá bræður,svo ég lánaði þeim smá pening,280.000.000.000 miljónir svo þeir gætu líka flutt þangað!

En okkar á milli og nú treysti ég að þetta fari ekki lengra, þá eigum við þessa peninga saman en urðum að hafa þetta svona svo Íslenska þjóðin færi ekki að gera kröfu í þessa peninga enda skilur sú þjóð ekki nútíma viðskiptahætti!

Jæja, ég ætla ekki að hafa þetta lengra og vona þið hafið fyrir mat og haldið húsnæði ykkar,ef ekki þá getið þið alltaf búið í tjaldi!(Hí,hí,hí bara að jóka!)

Með sól og hita og enga skatta,

Kv,

S.

Athugasemdir

[Sigurveig Eysteins, 29.1.2009 kl. 03:45]

Já... gæti ég orðið vinur og komið niður til Cayman ??? bara ekki strax, svona eftir 1. til 2. vikur, eins og er, er ég rúmföst með skelfilegan grænan hor, ýla lyktandi andremmu, og hóstaköst sem halda vöku fyrir nágrönum, já þetta kallast víst lungna-bólga hjá doktornum, þurfti endilega að ná mér í þetta á mótmælum á Austurvelli,  það er svona þegar maður veit ekki takmörk sín, mæli ekki með þessu láttu mig svo endilega vita þegar ég á að koma niður í sólina..........

[Konráð Ragnarsson, 29.1.2009 kl. 07:46]

Ég vona að sjálfsögðu að þú náir þér fljótlega og sjáir þér fært að koma sem allra fyrst  í sólina og síðan gæti ég ráðlegt þér varðandi góð bankaviðskipti hér á eyjunni!